السلام عليكم
انا معصبة كتير
لاني بحس انه الدكتور علي عم بستغلني
انا الحمد لله نشيطة عند كل الدكاترة وبشارك في كل المحاضرات والحمد لله كل الدكاترة بحبوني وعارفين اني نشيطة قادرة على النقاش في بعض المواضيع وبشارك عندهم بمحاضراتهم
بس المشكلة الكبيرة هو الدكتور علي
هو الوحيد اللي حاط كل حطاطه علي ومش طايقني ابدا
وكل ما اساله سؤال بتكشر بوجهي
وغير هيك كل محضرة لازم والا ينتقدني
مرة بحكيلي انك مزعجة ومرة بحكيلي انك تحكي كتير
عملي احراج قدام الاطلاب خلاني اكره اني اساله اي سؤال حتى لو كنت بحاجة ماسة للاجابة
يعني بكون قاعدة بالمحاضرة وبنقل شغلة من البنت عالصمت بيجي بحكيلي انتي مزعجة وتحكي كتير وتزعجي زميلاتك كتير مع انه ولا وحدة تشتكي مني
بالعكس الكل بالقاعة ملاحظ انه الدكتور حاط كل حطاطه علي وليش الحقد والكراهية بوجه الي لحالي
مش هون المشكلة
المشكلة اني صرت بسبب اسلوبه هاذ اطنش محاضراته
حتى اني تجاوزت النسبة المسموحة الي للغياب
قررت امبارح اختلق كذبة لحتى يشيل الغيابات عني فخبرته انه والدي كان مريض واضطريت اغيب عنده لمدة محاضرتين متتالين
تخيلوا بحكيلي هاتي ورقة
ولا لو تشوفوا كيف بتكبر علي
بنهاية المحاضرة خرج الدكتور فاتجهت نحوه لاتحدث معه فهو ما يتوقف ويتحدث معي ظل ماشي وداير ظهره الي وبحكي معي بدون ما يطلع علي (تخيلوا لو كنتم مكاني شو تعملوا ) والمشكلة هاي مش المرة الاولى بعملها في
سبق وعملهاة معي عدة مرات
بالله عليكم هذا دكتور
والله العظيم مليت وقرفت منه
حطني بموقف اذلال الي
وين الاحترام !!!!!!
يا جماعة اان محتارة ومش عارفة شو اعمل
خايفة ارسب الفصل واعيد فصل من ورا هالدكتور
احكولي شو اعمل
قسما بالله العظيم اني مقهورة ومش عارفة ايش اعمل
والمشطلة انا خايفة بكرا لما يدخل المحاضرة ويحكيلي وين الورقة عشان ابوكي قدام الطلاب ليحرجني ؟
مش عارفة شو بدي اجاوبه
ارجوكم ساعدوني يا ناس
