البطالة والواسطة

anasgun كتب:مابدي اسوقها مبادى بس ثقي انو الواسطة صارت كمان لازمة حتى توخذ حقك

واكبر مثال شوفي الجامعات وعلامات الطلبه
رح استغل منصبي بصراحه مابعرف بجوز اقول هسا لا وبعدين بس اصير صاحب منصب اقول اه

admin كتب:

السلام عليكم

اولا بدي اشكر الاخت رمثاوية على مواضيعها الجميلة دوما

بدي اذكركم بكلام دكتور جامعي في احد سنواتي الجامعية حين قال ان السبب الرئيسي للبطالة اللي تعاني منه المجتمع هو عمل المراة وانا بؤيده لانه :

اولا وظيفة الرجل هي تامين مستلزمات أسرته وتوفير حياة كريمة له في حين ان وظيفة المراة هي تربية اولادها وتدبير شؤون بيتها وهي مش ملزمة للعمل لتوفير مستلزمات البيت واولادها واسرتهاومش من حق أي شخص انه يجبرها على العمل دون رضاها

بس للاسف زي ما تلاحظون المراة احتلت وعملت اعمال اللي كانت متوفرة للرجل في البنوك والهندسة والمحاماة وغيرها من الوظائف اللي كانت متوفرة للرجل في حين الخريجين الجدد واللي تخرجوا من جامعاتهم ما رح يلاقوا وظيفة الا بعد سنوات طويلة وانا الوم المراة بذلك لانها احتلت عمل الرجل اللي هو واجب عليه وليس واجبا عليها

المراة عملها الاول والاخير هو تدبير شؤون بيتها وليس العمل في وظائف الرجل

انا مش ضد عمل المراة ولكن في اعمال معينة مثل التعليم والخياطة والتجميل وغير ها من الوظائف النسائية اللي تتناسب مع طبيعة المراة وليس الرجل

لو النساء تنحت عن وظائف الرجل واهتمت ببيتها واولادها وزوجها وفي نفس الوقت سمحت للرجال للعمل في وظائفهم لقلت نسبة البطالة بشكل ملحوظ .

بالنسبة للواسطة انا معها لما تنصر مظلوم وبعارضها بشدة لما تزيد من ظلم المظلوم

وخير الكلام ما قل ودل وشكرا مرة تانية

anasgun كتب:لا بس همه مهما كانوا بظلوا بشر
ورح يخضع لكثير من الضغوطات وبجد لو كان مثلا ابوك صاحب منصب واخوك مش لاقي وظيفه لانوا معدله مابسمحله مارح كلكم اظلوا وراء الوالد حتى يتعين

anasgun كتب:بتموني بعتبرها واسطه منك مشان ماضيع حق الغير

BL@CK @NGEL كتب:من وجهة نظري لو بدكو تتناقشوا في الموضوع ما راح تخلصوا
لأنه صارت الواسطة والبطالة عبارة عن مرض موجود بين الشعوب إلي بتعتمد عليه
يعني مثلاً في الأردن صارت الواسطة عبارة عن موضة وظهر عن مفاهيم أخطر من إلي بنفكر فيها
مثل البطالة المقنعة والي هي من أخطر أنواع البطالة الموجودة

بس لو بدكو تتناقشوا مزبوط في معنى البطالة فالأمر مردوده للشخص وليس للحاكم أو المناصب الإدارية
ليش؟؟
لأنه إحنى عبارة عن شعب إستهلاكي أو إتكالي بمعنى آخر يعني كثير من الوظائف الموجودة والشاغرة ما بنشتغل فيها ليش مشان "البرستيج!!!!!!!!!!!!!!!" يعني بكون أنا وأنس قاعدين مثلاً وأنس معاه شهادة جامعية وعاطل عن العمل,.
بحكيلوا والله يا أنس طالبين وظيفة كذا كذا
فبقولي أنس أنا أشتغل هيك شغلة إنتا بترضاها علي
انس معو حق ما يوافق
بتعرف ليش؟؟
لانو هو درس وتخرج وتعب لازم يشتغل بشي يناسب دراستو
لو المسؤولين ما استعملو الواسطة كان في وظيفة موجودة لانس ولغيرو
لكن في واسطة والوظايف راحت لناس ما بيستحقوها وللاسف.....!!!!!

فلو فكرتوا مجرد لحظة بالهموضوع بتلاحظوا أنه المشكلة فينا ومش بعدم توفر الوظايف
إحنا كلنا بلا استثناء بندور على شغل فيه برستيج ووضع ممتاز ومكتب وكلكوا عارفين هالحكي
وطبعاً ما بدنا نحكي عن ترك التجارة والزراعة والي ربنا بارك فيهم فأكثر من ثلثي الرزق بالتجارة.
فبتقدروا تعتبروا الموضوع أصم....@@@

وبشكرك أخت رمثاوية على مواضيعك الرائعة والمتجددة
الشكر الك ولردك.