اذا كنت صريحا فلتكن صراحتك الى حد الاعتراف

انا بنت عمري 18 سنه وكم من شهر
تاريخ ميلادي 5\6\1989
اكيد من اسمي معروف انه سكان الاردن محافظة اربد لواء الرمثا
انا كنت بالسنه الماضية توجيهي نجحت بالفصل الاول وفرحت كثير جمعت معدل كويس
لكن
بالفصل الثاني ما حالفني الحظ ونقص علي 3 علامات من مادة من التوجيهي وعشان هيك قدمت للدورة الشتوية 2008 وامتحاني بيبدأ بـ 26\12
ادعولي انجح وادرس التخصص يلي بحبو وهو صحافه واعلام
ومرحلة التوجيهي مرحلة كثييييييييييييير حلوه رغم صعوبتها
يعني ضغط نفسي وهم وغم لكن احلى مرحلة الواحد بحدد مصيره بايده اما النجاح او ........ ما بدي احكي او ايش لانه ما بحب هالكلمة
كثير زعلت لما ما نجحت وبقيت فترة منفصله عن العالم الخارجي كاملا
يعني اهلي ما يسمعو صوتي
المهم
وبعدين اكتشفت انو مش اخر الدنيا
وقدر الله وما شاء فعل
وعسى ان تكرهوا شيئا وهو خير لكم
صدق الله العظيم
هي معلومات بسيطة عني وبتمنى من الكل يشارك بالموضوع لحتى يكون نوع من التعارف الحلو بالمنتدى لانه الكل هون اخوان بدون شك
.......................
اللي حاب يطرح موضوع نتناقش فيه ممكن
........................
بس ما حد يقول ليش رمثاوية ما بترد على الموضوع غير كل فترة
اسفة التوجيهي هالمرة يا قاتل يا مقتول
هههههههههههههه
ناويتلو واكيد هو المقتول
ادعولي ما تنسو اختكم رمثاوية
.........................................................
اذا كنت مخلصا فليكن اخلاصك الى حد الوفاء
واذا كنت صريحا فلتكن صراحتك الى حد الاعتراف

الفهد العاشق يا هلا فيك بالمنتدى
وهلا باهل مصر وكل البلاد العربية والاسلامية يا هلا فيكم
وبتمنى الكل يشارك بالموضوع
ويلي عندو اعتراض على موضوعي يحكي واذا الكل مش عاجبو الموضوع بينحذف فورا
لانه هيك الظاهر ما حد بيرد على الموضوع
وشكرا الكم

أنا بنت عندي 15 سنة
فلسطينية وأفتخر والي مش عاجبه ينتحر ويكتب على قبره مات قهر تحدى فلسطينية وما قدر ....
طبعاً أنا من مواليد 16-10-1992
لسة بصف عاشر ( أول ثانوي) حددنا من هلأ مجالنا بالسنة القادمة فأنا من محبي العلمي فأكيد حدخل علمي طبعاً بعد الثانوية العامة بإذن الله عندي ثلاث رغبات تنتين ليه ووحدة لأهلي ههههههه إلي إلي أول وحدة صعبة التحقيق وهي أدرس إما هندسة كيمياء أو علم ذرة والتانية إني أدرس برمجة وجرافيكس
أما رغبة أهلي فهي دراسة لغة عربية .....طبعاً الثلاث رغبات أبدع فيها فأنا من محبي مادة الكيمياء لحد الجنون ههه ومن المتعلقين بالحاسوب وبحمد الله أستطيع ترجمة ما أريد بعندي ههههههه أما اللغة العربية فأنا من المولعين بعلم النحو وبكتابة الشعر والخواطر .....وبغير ذلك لي بمجال الرسم ولي بالكاراتيه
........
بتمنى أكون عطيتكم كل شيء عن نفسي
تسلمي رمثاوية على الموضوع

انا عمري 25 انهيت دراسة الماجستير
وهسا بدي اسجل للدكتورا
ماعندي اي رغبه في النيا الا اني انهي دراستي
وماعندي رغبه للسافر لاي مكان لانو الاردن وبذات الكرك احلى من اي مكان
وانا زي السمك اذا طلع من البحر بموت