كل الأعضاء يمروا هون ( سباق أقوى كذبه )

وقال ابو أحمد يا سادة يا كرام

أنه وحده من هالتجاوزات كانت عن سيارة فوكس وكانت السيارة مسرعة شوية يعني تقريباً (150 كم/ ساعة) يعني متجاوزه عداد السرعة إلي هو تقريباً (120 كلم/ساعة) بس أنا معلم سواقة يعني كنت بدي أتجاوز يعني بدي أتجاوز....

وأسرعت شويه حتى ألحق بسيارة الفوكس بس لما تفرجت على المراية لقيت في صخرة كبيرة في الطريق لأنه الدنيا كانت شتى غزير وصار على الطريق انهيارات من الجبال إلي جمب الطريق...

وبرضه ما سألت في الموضوع وما أعطيته أي أهمية لأني توقعت إني راح ألحق الفوكس قبل ما أوصل الصخرة...

ولما بلشت أقرب من السيارة وأعطيت الغماز على اليمين لاني بمشي بالعكس زي ما أنتوا عارفين زمرت للفوكس والزامور عندي عالي كثير كثير حتى إني كنت بزمر لمرتي عن بعد 15 كم من الدار عشان تجهزلي عشاء قبل ما أوصل...

وبلا طول سيرة زمرت للفوكس... ويا ريتني ما زمرت لأنه طلعوا ركاب الفوكس الستة من أفراد عصابة مافية زي ما بين بعدين عند الشرطة... المهم واحد منهم عصبي كثير كثير فصار يقرب من التنك وأنا أبعد هو يقرب وأنا أبعد وقررت إني أشد السرعة شويه عشان ألحق أتجاوز وأخلص من هالمشكلة...

بس أبو أحمد بعجبكوا ... خليكوا معي لا تسرحوا (هسا ببطل أحكي) بعدكوا ما بتعرفوا إني بطل ... نرجع لموضوعنا وزعل الزلمة العصبي حتى أنه فتح شباك السيارة الخلفي وطلع هالرشاش وبلش يهدد فيي (أحد المستمعين في باله بقول: بتتخوث يا أبو أحمد الفوكس ما إلها شبابيك خلفيه) وبلش يطخ علي وكان عندي عالكرسي إسطوانة غاز لما كنت أجوع كنت أطبخ عليها عالطريق فرميتها عليها من الباب وانفجرت الفوكس... طب الصخرة قدامي ومش عارف شو أسوي المهم كيف تجاوزت عنهم وكيف بعدت عن الصخرة وما صار في إشي ما بعرف بس أنا معلم سواقة لا تنسوا ....

المهم...

المهم في الحلقة الجاية إنشاء الله

!

!

!

!